بحر الحيــــــــــــاة

بحر الحيــــــــــــاة

بحر الحياة غدار واحنا لفين راحين
شايل معاة اسرار واحنا معاة ماشين
ايام تفوت وتروح واحنا ولا حاسين
احلام تعيش وتموت يا قلوبنا يا خايفين
***
الطير بيهاجر وبيرجع الشمس بترحل وبترجع
الدنيا بتاخد وبتدى اليل لو طول هيعدى
فى ليالى بنحلم وتعبنا ورجعنا لوحدنا بعزبنا
حاول تتغيـــــر ومسيــــرك تقــــدر
وبلاش نستسلم يوم للحزن مادام عايشين
***
لو ينسى الواحد احزانة هيشوف الورد واللوانة
لو نفتح للدنيا قلوبنا هدق الاحلام على بابنا
دى ساعات الدنيا بتوعدنا ونقرب منها وتبعدنا
حبها من قلبك حبها هتحبك اضحك للدنيا
الفرحة هتيجى فى غمضت عين
***
بحر الحياة غدار ...الدنيا لسة بخير
شايل معاة اسرار... فى حياتنا لسة كتير
ايام تفوت وتروح ...بكرة هيجى اكيد
احلام تعيش وتموت... هيجينا حلم جديد